Sunday, August 7, 2016

കൊതി



വളരെ അധികം ആവേശത്തോടുകൂടി നാവു വഴങ്ങാത്തവണ്ണം നാമധേയപ്പെട്ട ഒരു സാധനം ഓർഡർ ചെയ്തു. ഭക്ഷണം കഴിക്കുന്നതിലും പ്രധാനം ആണല്ലോ അതിന്റെ ചിത്രം ഇൻസ്റ്റാഗ്രാം ഇൽ ഇടുന്നതു. നമ്മളായിട്ട് ട്രെൻഡ് മാറ്റണ്ട എന്ന് കരുതി. ക്ലിക്ക് ക്ലിക്ക്. അപ്‌ലോഡ്. തീർന്നില്ല whatsapp വഴി നാലുപേരെ കൂടെ അറിയിച്ചു സംതൃപ്തി അടങ്ങിയതിനു ശേഷം സംഗതി അകത്താക്കി.

ഇപ്പോൾ ശരീരത്തിന്റെ അങ്ങേ അറ്റത്തൂടെയും ഇങ്ങേ അറ്റത്തൂടെയും നിലക്കാത്ത പ്രവാഹമാണ്. കാലത്തെ ജിൽ ജിൽ ആയി എഴുന്നേറ്റ ഞാൻ ദെയ് ആരെങ്കിലും ors മേടിച്ചു തരുമോ ആരെങ്കിലും വന്നു എടുത്തോണ്ട് പോകുമോ എന്നോർത്ത് കിടക്കുന്നു. അമ്മ സ്ഥലത്തു ഉണ്ടായിരുന്നെങ്കിൽ  ഇപ്പൊ ഉപ്പും കുരുമുളകും ചേർത്തുള്ള പ്രയോഗം നടപ്പിലാക്കിയേനെ. സംഭവം നമുക്കീ അന്ധവിസ്വാസത്തിൽ  ഒന്നും വിശ്വാസമില്ലെങ്കിലും സംഗതി ഇങ്ങനെ കത്തുമ്പോൾ ഒരു ആശ്വാസമാണ്.

ഈശ്വരാ ഏതു മഹാത്മാവാണോ കൊതിവെട്ടത്തു. അവനു നല്ലതു മാത്രമേ വരൂ.

വേണ്ട ഇത് വായിച്ചിട്ടു ഇനി ഫേസ്ബുക് ആൽബം തപ്പണ്ട. ഇവിടെയും കൂടെ അതിടാൻ ഉള്ള ആരോഗ്യം ഇല്ല.

No comments: